<河馬仔專欄>之『馬場對對子』飲食專欄又來啦!
『馬場樂子(妹)』: 性格開朗,有點大頭蝦,除主力賽馬專欄外仍會幫忙介紹飲飲食食的
『馬場彩珠(姐)』: 性格認真,對珠形擺設特別喜愛,特別喜歡製作甜品,主力飲食專欄的.齊齊評論香港飲飲食食!
(手提電話中...)
馬場樂子:家姐家姐,剛剛睇完晨操整理哂D賽馬資料啦,而家係沙田出緊來,不如食個晏啦.
馬場彩珠:您係邊度落車?
馬場樂子:我一陣要去攞FIGURE呀.............會係旺角東落車.
馬場彩珠:我都要去探下朋友,不如就係旺角東火車站附近食啦...不過,食D乜呀~_~
馬場樂子:近期少食菜,不如搵D有沙律食的地方啦!
馬場彩珠:咁今日就去位於太子新世紀廣場的APPLEGREEN試試先.
馬場彩珠:此店沙律出名又有其他野揀,好多野想試
馬場樂子:好呀,不過都係來碗熱湯先,多款湯中以baby粟米湯最得意,一粒粒咁又夠creamy
馬場彩珠:講完湯,不如來沙律啦,樂子,先講沙律先.
馬場樂子:沙律好夠凍噃,夏日炎炎就最爽啦!
馬場彩珠:一大兜沙律夠我地兩個女仔食,特別我最喜歡係華都夫沙律,唔太甜又夠清新爽口,當然其他的green salad亦相當不俗.
看板娘---馬場樂子---對西湯及沙律之評分:
馬場彩珠:講完出名的甜品,講下一些非沙律之main dish啦.
馬場樂子:螺絲粉有點硬,加上麵包,普通啦,不過如幾個女仔分來食就可以的.
馬場彩珠:墨西哥牛柳絲薄餅好特別,有幾樣醬加上去,我試下點哂四隻先.
馬場樂子:麵包個皮唔太厚之餘加上牛柳絲炒得夠香但夠腍,好特別呢.
馬場彩珠:家姐家姐,食食下午餐中間我地突然有brunch的環節入來噃,breakfast+lunch好少食噃,歷史上以前好多時只係星期日才有,但現在好多地方乜野日子都有得食!
馬場樂子:通常brunch會比breakfast大份一點,通常十一點供應,但現在好有彈性了.
馬場彩珠:睇睇先.....特式煎蛋好似好有特別噃,影影先^_^
馬場樂子:有腸有蛋有火腿有薯餅有生果杯,夠大夠靚,個蛋原來夾左係個麵包入面,一切出來蛋汁流出,加上個麵包幾鬆軟,係d火腿同腸有點油而已.
看板娘---馬場彩珠---對非沙律之main dish之評分:
馬場樂子:食飽飽了..........港語有云,女仔可能有兩個胃的.
馬場彩珠:關乜野事,不過都係想食的.但係來杯咖啡先.
馬場彩珠:美式黑咖啡呢,食甜品飲齋啡便可.
馬場彩珠:蘋果金寶焗得好熱好香,蘋果帶甜一點,如酸一點及多點雪榚及汁醬就更好了.
馬場樂子:朱古力磚加上大大舊雪榚,朱古力非常濃及一點都唔稀,加上雪榚後一暖一凍好有層次感呢!
看板娘---馬場樂子---對咖啡及甜品之評分:
馬場樂子:erk......飽了......夏日炎炎好想眠.
馬場彩珠:真係好飽...飽到今日連稿都唔係好想寫了. |