河馬仔第一,五,七,八場心水選擇:
(馬場樂子代筆)
第一場 :
4. 家橋-雖然此馬唔叻,但勝在泥地經驗唔少,上年輸個場排外檔加上隻馬較緊張,轉彎時用埋段力就收工.講真此短爆發力馬要跑得到今季贏馬水準其實要形勢之助.特別記得此駒開齋時就係巫斯義沿途守好位一衝即勝,當然巫生在澳洲贏馬後要做宣傳活動要換人又係令馬迷卻步.但今次特別在有一檔,快馬又唔多,如正正常常發揮其實較何澤堯安心.晨操1號拍鎖定目標一課都全程佔主動,其實往往覺得此駒跑泥地更合.
是場心水 :
4. 家橋 - 5. 極速之星 - 12. 京城孖寶 - 8. 勇蹄飛
第五場 :
7. 鎖定目標-今場有埋"團隊精神"跑,理應今場會較上場合發揮得多.上次贏馬後放頭跑結果搞出個軒然大波,雖然最終都冇人被罰,但該場跑得好唔好相信馬迷都心中有數.今次用卓利換跑道確實會令人卻步,但此駒講真拍家橋一課毫不遜色,雖然過唔到廄侶但走勢仍硬朗.以往泥地皆好之餘今場步速都會快到暈,佢係最有機會守在一疊之四五位之馬,見卓利哥上次騎新意思都唔係差,此駒又唔難騎其實有實力爆冷的.
是場心水 :
7. 鎖定目標 - 4. 天瞳 - 11. 奄尖大少 - 2. 鎗臣
第七場 :
6. 大把在手 - 此駒上場狀態已經夠好,只可惜個衰檔加上該場三隻馬在前面鬥放,佢算係捱得最好的一隻.單看此駒父系及外祖父在港都有出過泥地馬,今場幸好主力對手皆排外檔,韋達肯騎此駒都看來不容忽視了.
是場心水 :
6. 大把在手 - 3. 勝利旋峰 - 5. 常山鳳寶 - 7. 神殿
第八場 :
7. 悅璐孖寶-原來此駒跑三次泥地有兩次退出,而且此駒一再證明長好過短.上場雖然睇落衝得較弱,但當時狀態唔好之餘,其實得佢一隻捐內欄.講真實力上可贏火龍駒的肯定唔會差得去邊,再加上雖然此駒泥地實力係大問號,但父母兩邊其實應會出產有泥地能力之馬.晨操當然比上場已收夠身,火氣唔旺可以理解的,要博一隻能後上一衝而破的馬來說此駒算係最有能力了.
是場心水 :
7. 悅璐孖寶 - 6. 披星戴月 - 3. 幸福紅椒 - 11. 萬能駒
是日三場全餐博冷門Q膽 :
(馬場彩珠代筆)
第五場 : 7. 鎖定目標
第七場 : 6. 大把在手
第八場 : 7. 悅璐孖寶
9月5日馬季開鑼,各位馬迷又要迎接密鑼緊鼓的賽事了.
今次的WALLPAPER三位看板娘及馬馬都變成了Q版,以亮相圈作背景.希望大家馬迷喜歡.在此祝願各位馬迷今季開開心心,歡歡喜喜,馬到功成!
今次由河馬仔出品、由同人組織天空音匣之畫師Mineko繪製而成。以<共享創意 署名-非商業性 3.0 香港 授權條款>發放。
|