返回列表 發帖

(河馬仔專欄)11月14日佐敦銀杏館意法午餐評論+賽馬分析




<河馬仔專欄>之『馬場對對子』飲食專欄又來啦!

『馬場樂子(妹)』: 性格開朗,有點大頭蝦,除主力賽馬專欄外仍會幫忙介紹飲飲食食的

『馬場彩珠(姐)』: 性格認真,對珠形擺設特別喜愛,特別喜歡製作甜品,主力飲食專欄的.齊齊評論香港飲飲食食!


樂子:今次我地要介紹一間..........意法餐廳,當然係有特色啦.

彩珠:個名都好特別架噃,係一種植物...

樂子:係唔係D馬迷成日跑完馬後去煲腐竹糖水個種植物呀(嘻嘻嘻嘻..........)

彩珠:咪咁啦,呢間餐廳好有意義架,您知唔知銀杏樹可以有成千年甚至更長的壽命,據說在侏羅紀的時間侯已經有銀杏,而銀杏亦有長壽之意呢.

樂子:頭先講笑啫,今次講的是佐敦廟街之銀杏館呢.而此店聘請了不少長者,令一些喜歡繼續在社會發揮所長的長者,在現今的社會中,提供就業機會呢.

彩珠:都可以讓我地學習一下唔同的社會企業呢,香港亦有唔少的飲食機構都有社企的成份呢!





樂子:裝修都好古典呢,家姐,今次不如坐這兒啦.



彩珠:一邊聽住舊歌一路食就更有怴懷舊FEEL呢.

樂子:唔.........真係坐得幾舒服呢.不如睇睇餐牌先.




樂子:咦,家姐,呢度有個牌噃...



彩珠:此店以有機食物來做主打呢,估唔到連紅酒都有有機的呢.樂子,不如試試咯.


樂子:飲落好重的黑加侖子味道,落到上顎後都好順滑呢,質感好厚啦...........不過我係唔識評酒的呢,講錯就唔好介意啦.........一杯就夠了,唔係就驚會醉呢.

彩珠:咁就一路飲一路食啦,我就要燒有機雞腿扒伴烤有機蔬菜佐意大利香醋汁.

樂子:我就要美國頂級肉眼扒伴有機甜薯佐有機紫蘇紅酒汁啦!不如同侍應先生講講先!總覺得他們好親切有禮呢!



樂子:菜湯真係好多菜噃!有瓜有菜,飲落唔太酸感覺平實,有點似家常湯呢!

彩珠:而油醋麵包唔駛自己搽上去,一擺入口已有陣陣的橄欖油香,麵包軟綿綿但又夠熱,單單咁食都好不俗了.


樂子:呢個沙律就真係好自然了,一個冇造作的沙律,有一些火箭菜鮮菠蘿哈密瓜等等,加點點油醋已足夠伴食.感覺真係幾清新又爽口.



樂子:肉眼扒雖然唔係真係好厚,但其實都頗夠份量.當然個扒五成熟煎得外面夠香但肉內仍多肉汁,咬勁亦佳.而加入一些長型青瓜及甜薯蓉,而這個甜薯蓉最好的就是唔加入大量的牛油,食落唔太覺加工之感,感謝有點一絲絲更有甘甜.

看板娘---馬場樂子---對美國頂級肉眼扒伴有機甜薯佐有機紫蘇紅酒汁餐之評分:



彩珠:燒有機雞腿扒又會有乜唔同呢?試下先!嘩!個雞脾好彈牙又好有肉香,切落條理分明,燒起上來又唔會太焦,保留到雞肉鮮嫩之特質.而香醋的清新感覺配掎搭上非常脆口的青瓜,絕配呢,早知要杯白酒送啦!

看板娘---馬場彩珠---對燒有機雞腿扒伴烤有機蔬菜佐意大利香醋汁餐之評分:




彩珠:您要低因咖啡我要伯爵紅茶!總覺得低因咖啡香味有點不及普通即磨咖啡呢!

樂子:伯爵紅茶就用來送甜品就最好呢.

彩珠:咁不如來個銀杏叔叔啦!

樂子:銀杏叔叔???


彩珠:右面的畫到咁似蝌蚪嘅?

樂子:係熱情果醬來架!

彩珠:左面的疏乎厘超熱!食落軟綿綿!感覺幾得意啦!

樂子:唔!一於SHARE啦!

看板娘馬場樂子---是日食物日文讀音:




河馬仔第二,四,八,十場心水選擇:
(馬場樂子代筆)


第二場 :

7. 紅衣叻叻 - 此駒終於唔肥,晨操唔再見燥火,收身已夠哂水準,今場對手都係同上場差唔多弱,以佢的前速如肯跑落放鬆的話應有更好的效果,狀態亦比進取為好,看來機會可看高一線.

是場心水 :
7. 紅衣叻叻 - 1. 進取 - 11. 聚有盈 - 12. 上浦駿將

第四場 :

1. 皇帝旨令-贏左兩場之後一D都冇瘦,而且馬身越來越壯越來越結實,估唔到骨刺一冇問題之後原全變身,真係馬都輕鬆哂.白德民11號試草地閘一課非常厲害,頭四百米開閘後按住都已展現暗勁,估唔到騎者一推之下四蹄如飛馬般躍進.上場能按住輕勝有盈有利一類星級馬,今次真係君臨天下了.

是場心水 :
1. 皇帝旨令 - 7. 生生不息 - 6. 普梳王 - 4. 氣定神閒

第八場 :

8. 快樂小子 - 此馬高質但野性真係好難馴,入直路宮易出錯腳飛左出去之餘,此駒一比就會飛出飛入,唔係容易發揮.香港騎師之中應該係巫斯義可食得住此駒之嚴重斜跑,晨操有樣好就係冇汗應冇急,11號踱步已夠集中,係交代之良機呢.

是場心水 :
8. 快樂小子 - 9. 戶外名駒 - 3. 步步快 - 2. 俊鬥仕

第十場 :

13. 名人 - 此馬鬥心真係好到得人驚,上場其實初遇一堆三班頂級強組對手之下,居然可同勁高手鬥足一條直路,而及後可頂住包裝選擇及一言為定之超班馬.晨操近五日卓利一手包辦三次快跳課期,過步甚爽而且步幅更比上場闊仲要身輕冇肥,看來今次真係可反先勁高手.

是場心水 :
13. 名人 - 2. 分秒傳奇 - 1. 曬冷王 - 3. 太平星



是日三場全餐博冷門Q膽 :
(馬場彩珠代筆)

第二場 : 7. 紅衣叻叻

第八場 : 8. 快樂小子

第十場 : 13. 名人



是日河馬仔心水選擇及賽果由看板娘---馬場樂子馬場彩珠為大家報導:
(中第八場連贏!)
(全餐博冷門Q膽第二場中正派$963.0!)


河馬仔第二,四,八,十場心水選擇:
(馬場樂子代筆)


第二場 :

7. 紅衣叻叻 - 此駒終於唔肥,晨操唔再見燥火,收身已夠哂水準,今場對手都係同上場差唔多弱,以佢的前速如肯跑落放鬆的話應有更好的效果,狀態亦比進取為好,看來機會可看高一線.

是場心水 :
7. 紅衣叻叻 - 1. 進取 - 11. 聚有盈 - 12. 上浦駿將

第四場 :

1. 皇帝旨令-贏左兩場之後一D都冇瘦,而且馬身越來越壯越來越結實,估唔到骨刺一冇問題之後原全變身,真係馬都輕鬆哂.白德民11號試草地閘一課非常厲害,頭四百米開閘後按住都已展現暗勁,估唔到騎者一推之下四蹄如飛馬般躍進.上場能按住輕勝有盈有利一類星級馬,今次真係君臨天下了.

是場心水 :
1. 皇帝旨令 - 7. 生生不息 - 6. 普梳王 - 4. 氣定神閒

第八場 :

8. 快樂小子 - 此馬高質但野性真係好難馴,入直路宮易出錯腳飛左出去之餘,此駒一比就會飛出飛入,唔係容易發揮.香港騎師之中應該係巫斯義可食得住此駒之嚴重斜跑,晨操有樣好就係冇汗應冇急,11號踱步已夠集中,係交代之良機呢.

是場心水 :
8. 快樂小子 - 9. 戶外名駒 - 3. 步步快 - 2. 俊鬥仕
(中連贏派$60.0)

第十場 :

13. 名人 - 此馬鬥心真係好到得人驚,上場其實初遇一堆三班頂級強組對手之下,居然可同勁高手鬥足一條直路,而及後可頂住包裝選擇及一言為定之超班馬.晨操近五日卓利一手包辦三次快跳課期,過步甚爽而且步幅更比上場闊仲要身輕冇肥,看來今次真係可反先勁高手.

是場心水 :
13. 名人 - 2. 分秒傳奇 - 1. 曬冷王 - 3. 太平星



是日三場全餐博冷門Q膽 :
(馬場彩珠代筆)


第二場 : 7. 紅衣叻叻
(中連贏派$963.0,成本十蚊注要$130.0,+$833.0)

第八場 : 8. 快樂小子
(中連贏派$60.0,成本十蚊注要$130.0,-$70.0)

第十場 : 13. 名人
(唔中)

TOP

返回列表