香港賽馬會成立125週年,其實都舉辦了不少活動.如之前的馬票等等.而今年馬會亦在各商場舉行125週年展覽.今個星期就在2月27及28日在青衣城舉行.小弟返完工買訂定個飯盒之前就立心參觀下先,都幾得意架!
場內有活動,讓大眾對馬匹,賽馬歷史,馬會之政策等等有所認識.如馬匹一環便有馬匹標本展覽,好讓大家對馬匹如何發力競跑等等更加了解.而小弟亦覺得看完後又上了寶貴的一課.
仲有「香港得得得」運動十式之活動,其實起初小弟聽收音機個陣成日講「香港得得得」都唔知係乜.原來深入了解後發現原來是馬會提倡的健體連動,帶有一些詠春色彩.原意是希望香港人能在不同的環境下都能夠積極面對,強身健體,為香港帶來正能量,的確非常有意義.當然圖解較難明,但如大家上馬會的網站可睇下軟硬天師的示範,咁會明好多.
(唔怪得之前<賽馬WQT>主持魔術師叫我地練下呢十式啦,我又去學下先.)
當然亦有以往賽馬歷史之片段...以前的大石鼓原來係咁的...
場內亦有帶HEADPHONE的馬,根住有好多人走過去影相,但唔係好多人知原來係有野聽的.
呢隻係比小朋友坐的,夠哂得意.
最後見到場內有一些訪問片段,當時係訪問冠軍騎師韋達.但一見到個SCREEN,我附近即時出現兩位中年婦人,即時見到其中一位講左以下說話:
「都唔知係唔係高清電視來,乜韋達個面咁多墨嘅...」
韋達都唔後生啦,不過香港人始終都好重視外表,唔怪得近期連男士美容都有所興起啦...........
是日河馬仔十場心水選擇:
第一場:
7.彩旗飄飄-上次跑二千二用放頭其實已經好難跑,但其實都係去到最後二百先至斷.加上今次落回千八,晨操個樣晨操明顯變,特別係拍至勇威龍之勁勢極度耀眼.如果當真此馬有一定級數,對住此群五班接近零惡氣之馬,夠銳可爭
是場心水:
7.彩旗飄飄-14.金像太子-10.甜在心頭-5.壽比南山
第二場:
7.清新空氣-成場一堆BB仔,以佢最後一課800米試閘最吸引,一俾已經有好好之反應.馬身好壯而且神情好定,計今場之對手如此良莠不齊之下,跑一千好難飛得甩此駒的.
是場心水:
7.清新空氣-4.太極至尊-1.可圈可点-5.飛魚駿王
第三場:
4.勇蹄飛-上次一起步大漏閘仲要沿途無遮無檔之下,最後都可以撲番上來唔少.但當時冇跑近兩個月之餘仲要狀態欠佳.今次睇番24及25號晨操拍愛拚者贏明顯力度及勁勢贏哂,仲要有內檔有減磅,好重惡氣啦.
是場心水:
4.勇蹄飛-7.靚好聲-1.龍船旺-6.成功網絡
第四場:
13.盈彩繽紛-上戰贏得極度清脆俐落,只是拍兩拍便彈開來贏,有點似勇敢小子之影子.晨操上次仲係肥都咁吸引,今次神態慢慢見改進,加程係正確之決定
是場心水:
13.盈彩繽紛-11.駿蹄飛-7.千江映月-1.六六精英
|