清心丸,綠豆爽等等都是潮汕一頭有名之甜點,雖然小弟上次都曾介紹過西區的潮式甜點,但其實還有其他的店舖值得題,而今次所講的一間就是非常有名,連日本雜誌都有介紹過的,位於九龍城龍崗道的---合成糖水.
店內陳設唔多,但見到的就是一盤盤準備好的材料...
品種真係太繁多,請大家自行閱讀.
小弟到此店食糖水的原因其實真的是非常偶然,由於小弟以往的工作需要港九新界到處去,第一次去食當日小弟就是要到九龍城工作,在午飯時無意間發現的.
不過原來此店自石硤尾街以來已有多年歷史,一間店舖能有多於十年之歷史一定有其成功的原因,當然對於食店來說一定係食物有其特色才會成功.
其糖水出名地大份,講真一句一碗份量都應該夠兩個女仔食.而由於此店之糖水種類可以有大量唔同的自由配搭,小弟都試過幾次.
如這個蓮子百合柿餅,在香港唔常見.熱天食都覺得百合清新,而此店最出名就是蓮子,入口即化而唔苦,好的糖水就應該如此嘛.當然湯圓要加的,食落唔過甜,芝麻餡的,個皮係煮得夠軟的.
同樣我喜歡的有加了好多東西的綠豆沙(當然不是淨綠豆沙),如一些珍珠丸,百合,湯丸,蓮子等等,起初都驚珍珠硬,但食落喜覺軟綿綿,加上綠豆沙真係起到"沙",一碗軟綿綿熱辣辣的飯後甜品真係會令到一餐畫上完美的句號.
另外一個煮得幾清潤的就是這個蓮子雪耳圓肉燉百合.湯料頗豐之餘甜度適中,燉得夠火喉就會發現所有的材料入口即覺得夠味夠綿,而此甜湯就做到此點.
此店出品整體上夠哂大大豌,但最緊要就是製作認真落足料,這就是我們食客最喜歡見到的.
看板娘---馬場樂子---對九龍城合成糖水之評分:
是日河馬仔十場心水選擇:
第一場:
7.飛魚駿王-全日狀態最好都可以話係呢隻馬,17號三隻馬拍跳,內檔豐衣足食外檔相見歡一齊拍,此馬一鬆居然在中間一穿彈甩兩駒個幾馬位之多,出步夠哂輕鬆有勁,雖然一檔但真係唔能夠忽視此駒之進步
是場心水:
7.飛魚駿王-11.欖球樂園-2.領航動力-8.漸信良駒
第二場:
10.大隊長-終於排回好檔,其實上兩場際遇皆差,兩場皆三疊,前一仗有機會一爭但奈何發力過早.上場路短但追勁唔比偉感差,今次有一檔對手其實一點都唔強,補中機高
是場心水:
10.大隊長-14.智勇非凡-12.金威神童-1.天之驕子
第三場:
13.嘉嘉掂-雖然連場跑得一注菜咁,但實際此馬一路以來都係出閘最大問題.雖然個泥閘都係出閘較差,但最後個追勢確是有板有眼的.如這隻馬同全兄弟馬黃金可愛接近質素的話,未必唔夠呢群鬥
是場心水:
13.嘉嘉掂-6.盈彩繽紛-5.馬之王-4.雄風
第四場:
2.驍騎無敵-上場點講跑到最後三百都係佢衝勁最強而一點都唔辛苦,今次抽檔唔差而主要對手都係清新空氣而已.但讓五磅又可以跟住隻清新空氣後面跑,晨操儲火仍壯身,保養非常得宜,三捷難度仍唔太高
是場心水:
2.驍騎無敵-3.清新空氣-8.麗晶之星-11.大關刀
第五場:
6.高智慧-斷估都抽番好檔唔駛再走三疊或一早俾到好前,試課草閘彈一段看來狀態都是漸近黃昏.如今場都博失就真係好可能冇乜機會.上場能有FIGHT BACK之象確有高班馬影子,對手實際唔強可望有個美好回憶
是場心水:
6.高智慧-4.勁有盈-3.芝麻雪糕-9.松林之星
|