返回列表 發帖

(河馬仔專欄)5月16日第三,九,十一場分析+旺角藍球CAFE評論





以後<河馬仔專欄>將會唔見了河馬仔...點解?

以後會由『馬場對對子』孖生姊妹『馬場樂子(妹)』及『馬場彩珠(姐)』負責,希望大家喜歡啦...

馬場樂子+馬場彩珠:大家好,多多指教。<河馬仔專欄>又來啦!

馬場樂子:家姐家姐!我地今日第一次負責專欄,係唔係要講一些『潮』事呢?
馬場彩珠:要『潮』的話,可以係多方面搵資料噃!
馬場樂子:我地咁SPORTY,不如講下至熱的體育吖!
馬場彩珠:仲有一個月先至世界盃,唔知比利會『品題』邊隊呢?
馬場樂子:世界盃太遠啦!講番D現在『關注』緊的項目啦!
馬場彩珠:咁...係噃,足球都收季了,不如講講打緊季後賽的NBA啦!
馬場樂子:NBA現在來講比以前冇咁HEAT啦,以前我地高中個陣,兩個成日走堂去AV ROOM偷睇......NBA PLAYOFF,最記得BEN WALLACE個年在PISTONS的季後賽了,佢嘅防守幾精彩啦.
馬場彩珠:又係噃,不過現在返緊大學就唔係成日睇啦,加上現在又唔係太多人睇.以前有人草好多籃球CARD,現在都唔覺人買.
馬場樂子:話完當年,好似仲未講食,不過我諗大家讀者見到我地講咁耐,都知今次飲食專欄係同籃球有關啦.
馬場彩珠:咁您就講埋地點啦!
馬場樂子:就係位於旺角豉油街昌記大廈之SD BASKETBALL CAFE
馬場彩珠:籃球CAFE,香港好少見噃,一於入去試下新野LOR!


馬場彩珠:睇過MENU,大家唔認得IVERSON,都認得ONEAL啩,喂,樂子,睇下食乜!
馬場樂子:睇緊電視啦!
馬場彩珠:唔理您啦,我揀野食先!

馬場彩珠:金塊隊...今季第一圈就比人淘汰了,嘻嘻...

馬場彩珠:『魔術隊超人』下午茶,食完會唔會笑哈哈...
馬場樂子:好爛,唔好再講啦,讀者會走的.個牆都笑您啦...
馬場彩珠:您同我講D野一樣咁爛,果然係兩姊妹...

馬場樂子:好啦,我地每人都食少少野啦,不如要個飯要個下午茶啦.
馬場彩珠:好呀,河馬仔話過,去到CAFE,想知個間CAFE好唔好食,有樣STANDARD野一定要試試架噃,就係焗豬扒飯,因為整得好唔好食,有冇心思,焗豬扒飯較易睇


馬場彩珠:豬扒炸過來焗呢,焗完後都幾脆口,醬汁又唔會太杰,加上個飯唔太乾,唔差噃!

馬場彩珠:熱CAPPUCHINO可以啦,冇乜驚喜.樂子您呢!



馬場樂子:要了個MINIBURGER套餐,個漢堡扒唔粗唔乾噃,菜亦唔少,薯條炸得夠脆夠香口,家姐都食條啦!
馬場彩珠:點D沙律醬先...

馬場樂子:食得多煎炸野,不如來杯凍焦糖咖啡啦,要了少糖都算甜甜地,當然如果咖啡濃一點就更好啦.

馬場彩珠:好啦,我地食到飽飽啦,一齊俾分啦!

看板娘---馬場樂子---對食物之評分:


看板娘---馬場彩珠---對飲品之評分:


馬場樂子:係噃,我地仲未開估,究竟我地最喜歡的NBA球隊究竟係邊隊呢.
馬場彩珠:咁我地下次去街場打籃球就着呢兩件啦!



點解PLAYOFF入四強要對住LAKERS啦,今年又被掃走啦,陰公.............







馬場樂子帶來河馬仔第三,九,十一場心水選擇:

第三場:

13. 朝東之星 - 此駒減分簡直過多之下終於發現到反彈點.前仗中段踩油唔斷,上仗泥地在轉彎後居中後段外疊衝反應一點都唔差.現時此分區照樣出擊應是有把握才做,用強哥騎苗廄馬亦有信心.

5. 年年如意 - 此馬今年似好一場然後差四場,今場剛剛去到第五場.雖然用堯仔騎確係未能給人信心,但此駒今季負磅最輕就是此日.今戰落班對手狀態實際未磨起,此駒應有走近之能力

8. 駕世鞍 - 上場放頭後問話,如今仗用回練馬師之策騎指示下發揮實際上可以差好遠.單計馬四班都有得贏,用偉仔居中沿欄後追而縮二百米途程跑確有變身理由

11. 春秋世代 - 上場可一路省住課草閘一路頂住隻超力駒,結果真係在陣上好番好多.係奇怪在操緊都用眼罩但跑個陣就換配備.不過拍一隻好左好多之芝麻雪榚毫不辛苦,有大幅進步等緊嘅馬不可不理

是場心水:
13. 朝東之星 - 5. 年年如意 - 8. 駕世鞍 - 11. 春秋世代

第九場:

4. 千江映月 - 上場之發揮真係算數也把,入到直路差唔多係搵位多過衝.連續兩場輸都輸得非常不值,排回好檔衝衝再出確係勝望壓一,講真又係冇乜再輸嘅藉口.

11. 福將臨門 - 上仗贏馬難度講真一點都唔低,在最後二百還負奇葩兩個幾馬位下一攻而破,看來復甦越來越快.今場快馬可能唔多之下更好跑

10. 好利利 - 上場唔係走外疊贏馬亦唔奇,雖然增程確有一定疑點,但狀態練馬師快跳兩段之下依舊爽朗有力,又係難以捨棄

6. 特色咖啡 - 始終隻馬晨操仲係好鬼急,但講真上次衝得唔順而已,否則的班可以更近,今場對手實際上冇上次咁強又係仍有一定機會

是場心水:
4. 千江映月 - 11. 福將臨門 - 10. 好利利 - 6. 特色咖啡

第十一場:

2. 歡樂繽紛 - 上次對手同今場差得遠,磅又唔係加得多,仲要狀態毫無低落感,飛唔甩的馬

3. 開心 - 講真今場馬揀得上手的馬確實唔多,開心此駒雖然今季初出有點開氣感,但實際上操得幾耐之餘,試閘其實冇過急或乏力感.但講真分已減到過哂火,突然反彈絕對唔奇

12. 軍旗 - 上仗贏落個勢都唔知仲有幾多在手.跑千二嫌短都可如風卷殘雲般制勝.當然升班加程確有擔心之處,但又冇理由飛

9. 三和之星 - 講真此駒狀態非銳,加上出閘問題多多.其實用柏寶騎係唯一可取之處.如今場對閘能守到中間位就唔驚,但確係唔值熱門的,作配較好

是場心水:
2. 歡樂繽紛 - 3. 開心 - 12. 軍旗 - 9. 三和之星


馬場彩珠三寶提供(總共廿七注)

第九場: 4. 千江映月 10. 好利利 11. 福將臨門
第十場: 1. 朝東飛駒 4. 迎利多 13. 超力駒
第十一場: 2. 歡樂繽紛 3. 開心 12. 軍旗




馬場樂子<河馬仔專欄>之看板娘接近一年了,係時候要增加一些成員,講飲講食講馬都係熱熱鬧鬧才似樣的,今次終於要介紹馬場樂子之孖生家姐--馬場彩珠登場了.

以後會夥拍馬場樂子參與賽馬及飲食專欄,今次推出登場WALLPAPER,馬場孖寶姐妹齊齊登場,祝大家馬場得意贏DOUBLE,情場得意相相對!

以下有兩個SIZE選擇,由河馬仔出品,夥拍同人組織---黑蛛白蛛一起設計,由黑蛛白蛛負責執筆繒畫:

有兩個SIZE供大家下載,<共享創意署名-非商業性 3.0 香港授權條款>發放.



1650 X 1050:
http://img.hkheadline.com/headline/blog/album_photos/57/44/150556/1/201005052235213174_1600x1600.jpg

1024 X 768:
http://img.hkheadline.com/headline/blog/album_photos/57/44/150556/1/201005052234547587_1600x1600.jpg

TOP

第九場: 4. 千江映月 10. 好利利 11. 福將臨門

TOP

返回列表