<河馬仔專欄>之『馬場對對子』飲食專欄又來啦!
『馬場樂子(妹)』: 性格開朗,有點大頭蝦,除主力賽馬專欄外仍會幫忙介紹飲飲食食的
『馬場彩珠(姐)』: 性格認真,對珠形擺設特別喜愛,特別喜歡製作甜品,主力飲食專欄的.齊齊評論香港飲飲食食!
馬場樂子:家姐,我地上次講咗一些甜點,今次我地收到聽眾來信,話想我地介紹一些有本土特色的食物呢!
馬場彩珠:本土特色食物好多架噃,不如搵一些簡單點點又有少少特色的題材啦.
馬場樂子:不如我地諗下我地平時正餐食D乜多啦,咁樣易搵D.
馬場彩珠:如果要預備寫稿或做節目,又唔得閒煮,又唔想駛好多錢的話,我地有時燒味飯加個油菜攪掂算架啦.
馬場樂子:燒味都係好題目噃,但香港咁多燒臘鋪頭,而且現時連酒樓快餐都有得賣.
馬場彩珠:所以我地今日不如講講一些現時香港少見之燒味吧.
馬場樂子:咁今次我地就講講位於元朗青山公路之博士燒
馬場彩珠:入到店內算幾光猛噃,坐都OK噃
馬場樂子:我地女仔入去食最緊要坐得舒服嘛.
馬場樂子:家姐,睇下個餐牌先,咁呢間燒臘店有乜特別要紀錄呢?
馬場彩珠:黑淑...燒鵝???
馬場樂子:我出世後都未試過噃
馬場彩珠:我都係同您同一日出世...
馬場樂子:脾呀!
馬場彩珠:真係有D黑椒噃,雖然唔係好想去切,但我地兩份食切就好些少的.
馬場樂子:唔係呀,您一啖我一啖都得架.
馬場彩珠:傻嘅,下次一人一隻啦.不如試試味先,唔......燒鵝味道尚算有肉香而燒得恰可,但黑椒夾燒鵝,唔........總係覺得黑椒好難勾起燒鵝香,而黑椒味其實都被燒鵝的味道霸佔了.
馬場樂子:不過味道真係唔差架噃,我地做看板娘的都要試試新事物,"起錨"食鵝脾LU.
看板娘---馬場樂子---對黑淑燒鵝脾之評分:
馬場樂子:食完一樣,都要搵下其他野先,牆上有張POSTER噃.
馬場樂子:金...錢...雞???
馬場彩珠:呢樣菜要試試啦,香港現在冇乜地方有得食架啦.
馬場樂子:點解嘅?
馬場彩珠:您都見到啦,入面有D乜,以前係一些粵菜老師傅才會做的.由冰肉(即肥豬肉),雞肝,梅頭肉(即肩胛之肉),經過酒糖醃製後燒才行,由於製作需時,現在好少地方食得到了,但今次用了肉眼呢,可能會更有彈性呢.
馬場樂子:係噃,見到金錢雞,好似三文治咁,有新舊派揀,一於試試先.
馬場樂子:新派用豬頸肉,加埋肉眼真係爽上爽呢,燒得幾香口,甜甜地又有薑味,加埋飯都唔覺得太肥噃.
馬場彩珠:舊派因唔係用太肥的肉,其實就真係唔太肥,兩者香味都差唔多,而個肝亦帶出甘香.
馬場樂子:係缺少左...魚,蝦,蟹,葫蘆...
馬場彩珠:><.........呢個笑話唔好笑呀
馬場樂子:講笑啫,唔好俾反應,其實如果同一眾良朋一路睇波一路飲食住金錢雞送啤酒或孖蒸,應該都好噃.
馬場彩珠:開party都幾啱噃,不過開party飲孖蒸?.
看板娘---馬場彩珠---對新舊派金錢雞之評分:
馬場樂子:估唔到現在燒味都有咁多變化呢!
馬場彩珠:食物係會因時代而進化的嘛,能夠見到師傅將以往之金錢雞變一變,其實有助令一些傳統食物繼續延續下去呢.
馬場樂子:亦可以令一向較為傳統的燒臘食物變得"IN"呢!
河馬仔第五,十,十一場心水選擇:
第五場:
3. 算得妙 - 上場其實外檔在轉第一個彎時用力甚多之餘,最後都係一堆拉出外疊衝之馬衝贏,講真的確情有可原.此駒其實田草轉彎路程最首本,除眼罩有望減低此駒之前速,再有十磅減磅更可說是如虎添翼
其餘選擇 :
9. 創先機 - 上仗最後俾好小子過了之後可再推贏馬一定有分在手才有如此走勢,拍肥仔糖一課一拉出來按住都可輕過對手,神態頗好
14. 泰寶馬 - 上仗放唔出都斷唔得哂尚可一諗,而今場快放馬如賞心及銀鷹皆排8及9檔,如埋到欄又唔同講法
5. 颯若風 - 細馬仔慢踱身有成長之餘力度漸增,而神態與以往比較明顯有分別.上場沿途墮後而轉彎後實際望空時間唔多可不理此賽績,有變好之勢要防
是場心水:
3. 算得妙 - 9. 創先機 - 14. 泰寶馬 - 5. 颯若風
第十場:
7. 最佳孖寶 - 雖然今季甚似跑唔番,上場仲要跑尾回來,但其實上場一入直路未望空過之餘,最後力竭都其實同第二堆馬群未太遠離.不過上場對手比今場對手明顯好得多,而今次睇榮仔親跳一段隻馬明顯火氣返哂來,上場大敗只減一分可能顯示此駒並未太差,慎防出冷
其餘選擇 :
1. 卓爾非凡 - 級數明超此群,上場落雨爛地走內欄都過到馬都係盡顯級數.
12. 包裝老友 - 連續兩場在外疊漫游就算數啦.虹心頗好之馬確有考慮因素
11. 歡呼星 - 講真馬上次贏落就唔係太有氣勢,只寄望上次開氣跑都好,今次晨操見快跳比上仗更有勁仍可拖
是場心水:
7. 最佳孖寶 - 1. 卓爾非凡 - 12. 包裝老友 - 11. 歡呼星 |