<河馬仔專欄>之『馬場對對子』飲食專欄又來啦!
『馬場樂子(妹)』: 性格開朗,有點大頭蝦,除主力賽馬專欄外仍會幫忙介紹飲飲食食的
『馬場彩珠(姐)』: 性格認真,對珠形擺設特別喜愛,特別喜歡製作甜品,主力飲食專欄的.齊齊評論香港飲飲食食!
馬場彩珠:樂子!睇波啦!我去雪櫃睇下有乜野食先!
馬場樂子:食完麵好口渴呢!不如食生果囉!
馬場彩珠:等我去雪櫃搵下先..........唔.......成個雪櫃入面得番個圓形又緣緣地之果物噃.呀!係我前日去九龍城之生果店買的,一個用來送給在香港的日本朋友,另一個就買回來啦.
馬場彩珠:不過係食之前,俾您估下係乜野生果來先!溫馨提示就係綠色有紋多汁圓碌碌!
馬場樂子:就係...蜜瓜,不過又有乜特別呢,到處都有得買噃--!
馬場彩珠:如果話您知係日本蜜瓜呢?
馬場樂子:咁今次我地要講的就是這個啦!
馬場彩珠:樂子,見到個瓜上面幾隻字,答好哂網友可能問之問題先有得食^^.
馬場樂子:聞落都好香果味呢,流哂口水啦,不過都要答答網友的問題呢?
馬場彩珠:個招紙上面寫住綠肉MELON(メロン)!中間寫住肥後GREEN.
馬場樂子:即係綠肉啦!哈哈,我識答.
馬場彩珠:梗係唔係問您呢D日文點讀啦.第一,熊本在日本哪兒呀?
馬場樂子:日本九州!係農業繁盛之地呢!
馬場彩珠:咁肥後又係乜野呢?
馬場樂子:一定唔係落肥後啦.....
馬場彩珠:唔好笑呀,零分!重作!
馬場樂子:肥後其實係日本奈良時代行令制國制度時之藩國之一,即現時之熊本縣呢!
馬場彩珠:而今次之肥後蜜瓜其實在熊本哪兒為最首本呢!
馬場樂子:就係熊本縣南部之八代市呢!這兒山地較多呢!
馬場彩珠:不過熊本縣其實真係唔只出蜜瓜,如溫室柑,桃等等.樂子,您又講講肥後蜜瓜之特色啦!
馬場樂子:大約有得食之時節約6月至7月夏天到,選瓜時個瓜夠黃,個底按到有點彈力,而聞落好重香味.便可食得.食之前最好放在陰涼處,食之前2至3個鍾先放入雪櫃雪一雪先最好食!
馬場彩珠:好啦,講咗咁多口都乾啦,咁就開波食啦!
馬場樂子:好大陣清香呀!聞到都覺得涼哂!
馬場彩珠:好似有陣冷氣吹上來咁!
馬場彩珠:個瓜肉質幾腍滑夠綿,食落超多果汁果糖,難怪被譽為"超甜蜜瓜"了!
馬場樂子:食落又涼快又甜味,好似食緊蜜糖咁,就算食到落底都仍然覺得甜美清甜!
馬場彩珠:而且最好就係個瓜纖維肉非常細緻,夠哂軟,被唔會似食生蕃薯咁,果然一分錢一分貨噃!
馬場樂子:作為夏天消暑之果品的確不俗呢!
馬場彩珠:唔好擺係度啦,樂子快點食埋個蜜瓜啦!
馬場樂子:YEAH!!!
看板娘---馬場彩珠---對日本熊本縣肥後蜜瓜之評分:
看板娘---馬場樂子---講講個瓜之大約消費:
|