返回列表 發帖

(河馬仔專欄)6月16日《腐女攻略》電影觀後感+賽馬分析





講起《腐女攻略》此片,之前已經在網上掀起不少話題,上星期日終於買到飛入場看看此片,對此片之題材感到新鮮,吸引到唔少後生仔女呢!

戲名 : 腐女攻略 (How To Date An Otaku Girl 日文 : 腐女子彼女)

主要演員 : 大東俊介 松本若菜 古川雄大

故事大要:故事一開頭就講大學生諏訪(大東俊介演)在兼職中認識及追求女主角白崎(松本若菜演).在認識後男主角發現了女主角原來係一位"腐女子"在拍拖中男主角慢慢地了解"腐女子"之本質,生活以及及後被漸漸同化之生活.而此事更版大學同學瀬野(古川雄大演)所知道.及後女主角因工作關係可能要與男主角分隔兩地,故事如何推進就要觀眾入場睇啦.

觀後感想 : 講真一句如果唔睇海報或唔知道何謂"腐女"的話,根本上未必能吸引到觀眾.當日觀看的觀眾大多是年青人或是拍住拖入場的.

其實"腐女"原來唔係女版"電車男",如果大家以這樣的觀點入場看就可能會出現落差."腐女"唔一定單單喜歡漫畫,正統來說他們係對男性之間的戀愛有所喜歡或期盼,這點來說絕對比"電車男"之定義有所分別,不過"腐女"大多都喜歡漫畫就真.

其實故事一開始係唔錯的,好快地切入"腐女子"的生活.又跟住女朋友到執事咖啡廳(即男僕咖啡廳),到漫畫店買同人誌,買COSPLAY服及參加聲優(即動畫配音員)歌迷會等等.其實都幾講到個主題.不過對於一般觀眾而言,由於場景及女主角之表現較為誇張及漫畫化,而且有好多場景及對白其實包含了一些動漫知識才能理解(如講到一些動畫之內容及出場人物等等),除非您係動畫FANS,否則真係可以唔次佢講緊乜,就算小弟睇過一些動畫都好有些地方都未必識得笑,特別在講參加聲優(即動畫配音員)歌迷會一幕較為明顯,因為好多人都唔知兩位聲優係何方神聖.

當然以上的橋段係可以令小弟接受的,不過男女主角之戀情卻是令本人睇得有點沒頭沒腦.女主角經常當自己係女王一樣來要男主角跟住她的喜好來走.雖然睇落個女主角想做到好似一些可愛的"傲嬌美少女"一樣得人喜歡.但對於普通的觀眾客觀地見到女主角之面容,表情及行為時(特別對我們一些男觀眾而言),睇完後的確有點冒汗,為何男主角見到咁嘅超級傲嬌大小姐會唔掉頭走.

全片其實表現得唔錯的就是大學同學瀬野(古川雄大演),要型有型,在綠葉上襯托出男主角對女主角之愛,不過由於出場唔多,對此片內容之提升有限

講真最大失望之處在中後段.由女主角因工作關係可能要與男主角分隔兩地開始便出現了"極極極慢步速",就如用跑二千四百米之遮打盃之速度來跑一場一千米短途一樣.焦點漸漸八九成落入他們的世界入面,而劇情上卻是老掉牙般欠缺驚喜,沒有驚喜唔緊要但慢到如此卻和開頭大相徑庭,確是令小弟睇完有點呆了.

本片整體上感覺對"腐女子"的心理及生活形容得唔夠多及唔夠深.其實"腐女子"如何會對此有興趣,"腐女子"平常的生活方式及喜好方面係可以寫得更廣.而橋段方面亦難以令普通觀眾有回味感.而總覺得此片到中後段確實有點老鼠拉龜,感到乏力.

雖然我看完後與期望有相差,但當日散場時都有唔少女性的年輕觀眾最後拍哂手掌鼓勵.不過當日睇片時見到女主角發威或妄想時,這些觀眾都笑得好開心,相信此片其實都有一些支持者.

看板娘---馬場樂子---對《腐女攻略》之評分:





河馬仔第二,六,十場心水選擇:

第二場 :

5. 暖在心頭 - 上場可以個身肥到好似吹漲了的氣球咁,居然可以衝上來走得咁近.晨操拍京城三寶一個草閘勁力已比上仗好得多.難得柏寶肯騎此駒應更利發揮後勁.

其餘選擇 :
6. 心寶貝 - 分已減到過哂,上場走內疊亦非最好跑法.寧願希望此駒抽外檔,今場前放馬應該會幾快散之下應最合佢發揮
7. 心喜悅 - 上場走外疊而其實遮擋唔多,跑谷草輸都唔奇.幸好今次排檔唔太差,換回老拍檔榮仔會有信心得多
9. 兄弟班 - 上場一轉倉隻馬養番壯之後即時能交出好表現,晨操冇變瘦而隻馬火氣有收歛亦會是此場要角

是場心水:
5. 暖在心頭 - 6. 心寶貝 - 7. 心喜悅 - 9. 兄弟班

第六場 :

7. 名人 - 此駒休息夠才跑明顯地精神有勁,出步平穩而闊甚吸引.仲要如果起步順利的話便會非常能耐,亦唔係此群對手所能威脅的,此程又準到七彩,仲要排檔轉好,到位了

其餘選擇 :
14. 中華寶寶 - 上仗稍嫌梁家俊騎唔起隻馬之餘,轉彎時蝕位亦較多之下才敗.晨操出腳唔亂不過跑姿岳頭就冇乜辦法,希望滇仔能食得住隻馬
6. 靚好聲 - 此駒晨操真係唔覺有問題,不過出閘就大多都慢,幸好每次都幾有鬥心地追一大截,此程亦可以仍要諗
12. 好旺財 - 欠爆發力之馬由千八落千六,有時如突然遇到慢步速或得一至兩隻馬放頭的情況下便容易在轉彎後以均速走甩對手.今場情況好可能如此,趁對手不太強之下有望克敵

是場心水:
7. 名人 - 14. 中華寶寶 - 6. 靚好聲 - 12. 好旺財

第十場 :

1. 歡歡樂樂 - 上仗可惜地沿途迫到冇遮擋之三四疊居然輸得唔遠,其實馬就真係狀態一早做好了.不過今次已成熱門身,雖然投注方面難以再令人吸引,但柏寶親跳兩段已唔會再急,加上毛色夠光鮮.對手大多走入下坡還是此駒最值得憧憬

其餘選擇 :
14. 傑出君子 - 上次其實非常喜出望外,負磅算唔輕之下在大爛地最後入彎下肯忠心追上,可見鬥心可嘉.今次對手雖然變強但實際上此駒負磅亦是減輕唔少,此駒望落尚有上升空間,不容小覲
10. 闊袍大袖 - 此駒看來要慢慢拉長才好,當然柏寶唔騎確有戒心,但晨操絕不比上兩場差,對手頗弱之下有走近的實力
12. 國寶 - 雖然又係有一段時間未有上戰陣,但近期之泥閘實際走勢亦唔太差,當然狀態係盛時八成到,但對手真係大多揀唔上手之下仍是此駒較佳

是場心水:
1. 歡歡樂樂 - 14. 傑出君子 - 10. 闊袍大袖 - 12. 國寶


馬場彩珠三寶提供(總共廿七注)

第九場: 2. 步步穩 6. 新力勁 8. 醉味
第十場: 1. 歡歡樂樂 14. 傑出君子 10. 闊袍大袖
第十一場: 4. 風火神駒 7. 虎虎生輝 8. 戰河

1# 河馬仔
R2, Win & PLQ
想得到,就得到

TOP

support 河馬

TOP

多謝哂咁多位支持先!!



是日河馬仔心水選擇及賽果由看板娘---馬場樂子為大家報導:
(幾時可以唔駛食白果?)

河馬仔第二,六,十場心水選擇:


第二場 :

5. 暖在心頭 - 上場可以個身肥到好似吹漲了的氣球咁,居然可以衝上來走得咁近.晨操拍京城三寶一個草閘勁力已比上仗好得多.難得柏寶肯騎此駒應更利發揮後勁.

其餘選擇 :
6. 心寶貝 - 分已減到過哂,上場走內疊亦非最好跑法.寧願希望此駒抽外檔,今場前放馬應該會幾快散之下應最合佢發揮
7. 心喜悅 - 上場走外疊而其實遮擋唔多,跑谷草輸都唔奇.幸好今次排檔唔太差,換回老拍檔榮仔會有信心得多
9. 兄弟班 - 上場一轉倉隻馬養番壯之後即時能交出好表現,晨操冇變瘦而隻馬火氣有收歛亦會是此場要角

是場心水:
5. 暖在心頭 - 6. 心寶貝 - 7. 心喜悅 - 9. 兄弟班

第六場 :

7. 名人 - 此駒休息夠才跑明顯地精神有勁,出步平穩而闊甚吸引.仲要如果起步順利的話便會非常能耐,亦唔係此群對手所能威脅的,此程又準到七彩,仲要排檔轉好,到位了

其餘選擇 :
14. 中華寶寶 - 上仗稍嫌梁家俊騎唔起隻馬之餘,轉彎時蝕位亦較多之下才敗.晨操出腳唔亂不過跑姿岳頭就冇乜辦法,希望滇仔能食得住隻馬
6. 靚好聲 - 此駒晨操真係唔覺有問題,不過出閘就大多都慢,幸好每次都幾有鬥心地追一大截,此程亦可以仍要諗
12. 好旺財 - 欠爆發力之馬由千八落千六,有時如突然遇到慢步速或得一至兩隻馬放頭的情況下便容易在轉彎後以均速走甩對手.今場情況好可能如此,趁對手不太強之下有望克敵

是場心水:
7. 名人 - 14. 中華寶寶 - 6. 靚好聲 - 12. 好旺財

第十場 :

1. 歡歡樂樂 - 上仗可惜地沿途迫到冇遮擋之三四疊居然輸得唔遠,其實馬就真係狀態一早做好了.不過今次已成熱門身,雖然投注方面難以再令人吸引,但柏寶親跳兩段已唔會再急,加上毛色夠光鮮.對手大多走入下坡還是此駒最值得憧憬

其餘選擇 :
14. 傑出君子 - 上次其實非常喜出望外,負磅算唔輕之下在大爛地最後入彎下肯忠心追上,可見鬥心可嘉.今次對手雖然變強但實際上此駒負磅亦是減輕唔少,此駒望落尚有上升空間,不容小覲
10. 闊袍大袖 - 此駒看來要慢慢拉長才好,當然柏寶唔騎確有戒心,但晨操絕不比上兩場差,對手頗弱之下有走近的實力
12. 國寶 - 雖然又係有一段時間未有上戰陣,但近期之泥閘實際走勢亦唔太差,當然狀態係盛時八成到,但對手真係大多揀唔上手之下仍是此駒較佳

是場心水:
1. 歡歡樂樂 - 14. 傑出君子 - 10. 闊袍大袖 - 12. 國寶


馬場彩珠三寶提供(總共廿七注)

第九場: 2. 步步穩 6. 新力勁 8. 醉味
第十場: 1. 歡歡樂樂 14. 傑出君子 10. 闊袍大袖
第十一場: 4. 風火神駒 7. 虎虎生輝 8. 戰河

TOP

返回列表