返回列表 發帖

港男/港女

港男:你有幾好?
港女:我學歷高,收入高,唔使靠男人,仲可以分擔頭家。
港男:真係世間難求,你願意嫁俾我嗎?
港女:你一個月搵幾多? 多唔過我唔該過主。

同樣邏輯用左就業市場:

僱主:你有咩優點?
應徵者:我好捱得,日踩24個鐘面不改容。
僱主:有前途,請問你想做咩post?
應徵者:邊個位少野做?
---------------------------------------------------------------
港女﹕港男冇用配唔起港女!
港男﹕咁你憑乜野配得起優質港男?
港女﹕你咁計較即係小家,唔係優質。

應徵者:我要求人工十萬。
僱主﹕以你條件,家下市場係二萬,我地唔會請你。
應徵者:咁你即係cheap,請唔起我。
----------------------------------------------------------------
港男的邏輯 (IF ANY)

港女﹕請問你有乜野優點﹖
港男﹕我上到大陸成班女爭住溝我。
港女﹕我諗你誤會左我意思﹐我係問你你有乜野優點﹖
港男﹕你理得我有冇優點丫﹗總之上到大陸我就係皇帝﹐大陸女仔點好點好點好(下省三千字)﹔你地班港女點差點差點差(下省三千字)
港女﹕既然你冇優點﹐唔好意思﹐我諗你都係唔符合我既要求喇。
港男﹕挑﹐你慳D啦﹐我上面大把女溝﹐駛溝你﹖
港女﹕既然係咁你做乜走黎我屋企﹖仲唔上大陸﹖
港男﹕我咪係黎話俾你聽大陸女仔有幾好幾好(下省五千字)﹐你地又幾差幾差(下省五千字)囉﹗

同樣邏輯用左就業市場:

僱主﹕阿懲生﹐你中五未畢業﹐冇工作經驗﹐冇專長﹐仲要26個英文字中識得20個﹐咁我地點解要請你呢﹖
應徵者﹕出面幾間公司爭住請我架﹗
僱主﹕咁阿懲生你又點解覺得自己值十萬銀一個月呢﹖
應徵者﹕因為隔籬間公司俾呢個價錢我﹐仲有花紅18個月糧房屋汽車津貼等等等等(下省三千字)
僱主﹕唔好意思喇懲生﹐我諗你都係唔符合我地要求喇。
應徵者﹕挑﹐你慳D啦﹗你地間公司乜都冇﹐呢D垃圾公司俾我都唔做呀﹗
僱主﹕咁點解你又會上黎既﹐為乜唔去隔籬間公司呢﹖
應徵者﹕我咪上黎話俾你聽隔籬間公司幾好幾好﹐你地間公司幾差幾差囉﹗
---------------------------------------------------------------------
港女的邏輯

懲戒男: 你地港女係咪無料到?
港女: 你又係咪好好?
懲戒男: 我唔好, 同港女無料到無關!
港女: 咁港女無料到又關你咩事?
懲戒男: 你仲未答我! 你地港女無料到?
港女:你都無答我!
懲戒男: 你地反駁唔到我, 即係港女無料到!

港女/懲戒男邏輯同出一轍!
--------------------------------------------------------------------------
我 : 你選擇男友有乜條件??
港女 : 對我好就得, 愛情係無價既
我 : 我有個fd, 對人好好, 識佢既都話佢係好男仔
港女 : 佢做d乜架 ??
我 : 佢做廚房什工既
港女 : ....... 其實錢唔重要, 我最要個男友有上進心
我 : 佢好有上進心, 放完工仲返夜校, 假期又進修, 又勤力, 社會時事又識.
港女 : 但我估佢都唔會叻得去邊o羅 介紹第二個比我啦
我 : 唔記得同你講, 我識佢時, 佢家族係開飲食集團既. 因為佢想了解廚房工作, 先入去做什工....(還未講完, 港女插嘴)
港女 : 可唔可以比佢電話我??!?!? 順便比埋我電話佢??
我 : 我都未講完. 97後佢間飲食集團就執左啦.. 而家佢真係一個廚房什工.
港女 : 咁都係唔好比我電話佢啦.. 咁無出息
我 : 但係都仲有幾層樓收租..
港女 : 可唔可以約佢出黎食飯?? 如果唔得, 可唔可以比我張相佢睇下?? 我執左好左, 影得好靚架

Betty

TOP

  

TOP

哈哈

TOP

返回列表