返回列表 發帖

鄉音笑話..

1.劉更次電話

電:1083,有乜野可以幫到你?
問:我想查甜夢K劉更次電話.
電:甜夢K係咪屯門區呀?
問:係囉...我要劉更次o既電話呀!
電:劉更次係咪醫生呀?
問:唔係呀!佐野果d呀...
電:佐野? 做野呀?(本人開始好唔耐煩....)
問:咪係囉! (佢都開始好唔耐煩喇..)
電:咁係咪公司名呀?
問:唔係呀!!!! 佐野呀... 電:咁劉係咪劉德華個劉呀?
問:劉呀!!! 唔係劉德華個劉呀!!﹝本人個心開始少少聲..)
電:咁更係咪更改個更呀?
問:唔係呀.....劉更次呀...你係咪鄉趕人o黎架?
(本人真係火都o黎埋...)
電:係咪政府部門呀?(語氣好差)
問:係呀....搵野佐果d呀....
電:你等等啦...
(本人開始苦思呢條粉腸要搵o既係乜,5秒鐘後我終於諗到喇..)
原來佢要搵o既係.......
勞工處!!!! 真係眼都反埋...
> > > > >
> > > > >


2.嬌記五金電話

電:1083,有乜野可以幫到你?
問:我想搵嬌記五金電話!
電:請等等....唔好意思,無登記喎!
問:無理由架...嬌記喎!
電 :請問嬌係咪嬌俏個嬌呀?
問:咩呀!嬌咪嬌囉....嬌呀!!!!
電:唔好意思,請問係邊個嬌呀?
問:...嬌呀......嬌矮個嬌囉!!!
電:(X街...)啊~~~嬌~~~矮個嬌呀...請等等啦!!
(頂佢個肺...又話嬌...高就高啦...他媽的!)
電:呀腥新,記低高記五金電話啦!
> > > > >


Case 1. 牛頭唔搭馬咀形:
本人: 你好, 電話查詢, 請問有咩幫到你?
亞嬋: 唔該豐明銀行呀!
本人: 請問要邊區呢?
亞嬋: 有邊區呀?
本人: 有銅鑼灣, 中環, 尖沙咀, 屯門
亞嬋: 咁要元朗啦!
本人: 小姐, 唔好意思, 無元朗區喎!
亞嬋: ? 咁有邊區呀?
本人: (頂...又講多次) 係有銅鑼灣, 中環, 尖沙咀, 屯門
亞嬋: 咁元朗呢?
本人: (你老闆, 本人唔想再拖) 小姐, 無元朗區架,
或者比最近屯門分行你啦
亞嬋: 唉...咁麻煩架, 是但喇!
本人: (咁唔願意唔好要嘛) 係, 請記低號碼....
> > > > >
> > > > >


Case 2. 鄉音未清形
本人: 你好, 電話查詢, 請問有咩幫到你?
亞伯: 唔該蓮學疆屍呀!
本人: (已經想笑) 唔好意思, 係咪蓮花個蓮呀?
亞伯: 唔係呀, 蓮學個蓮呀!
本人: (妖...講等如無講) 咁係咪學年掉返轉呀?
亞伯: 都話唔係咯, 呢.....蓮學航空個蓮學呀!
本人:(頂...) 聯合呀???
亞伯: 咪係囉!
本人: (仲覺得自己) 咁請問疆屍又係咩呢?
亞伯: 一間間d疆屍呀!
本人: (本人被激得半死) 哦! 公司話?! 請記低號碼啦....
> > > > >
> > > > >


Case 3鄉音未清形
本人: 你好, 電話查詢, 請問有咩幫到你?
亞嬋: 唔該要徐若瑄電話呀! 交易廣場架!
本人: (猛抓頭皮 ..徐若瑄香港咩???) 小姐,
請問係私人定公司電話架?
亞嬋: 唔係呀! 係酒家架!
本人: (酒家??? 本人靈機一觸) 係咪翠玉軒呀?
亞嬋: 係呀, 唔該!!
本人: (笑到面都紅埋) 請記低號碼....
> > > > > :
> > > > >


Case 4私自翻譯形
本人: 你好, 電話查詢, 請問有咩幫到你?
亞叔: 唔該觀塘區愛迪特呀!
本人: 請問係咪愛心個愛, 超人迪加個迪, 特別個特呢?
亞叔: 係, 無錯!
本人: 唔好意思, 無呢個名登記喎!
亞叔: 無理由喎, 好大間公司喎!
本人: 先生, 咁或者有無英文名架!
亞叔: 有, 我串比你聽, 係A....D....I....D....A....S
本人: (唉....一早講啦) 哦! Adidas呀! 請記低號碼....

尾3果果好好笑呀.........哈哈........

TOP

都幾好笑牙....

TOP

6個都各有千秋

TOP

返回列表