(河馬仔專欄)11月6日銅鑼灣Cova歐陸輕食下午茶評論+賽馬分析

河馬仔

<河馬仔專欄>之『馬場對對子』飲食專欄又來啦!

『馬場樂子(妹)』: 性格開朗,有點大頭蝦,除主力賽馬專欄外仍會幫忙介紹飲飲食食的

『馬場彩珠(姐)』: 性格認真,對珠形擺設特別喜愛,特別喜歡製作甜品,主力飲食專欄的.齊齊評論香港飲飲食食!

『Mary CHAN』:今集嘉賓,馬場樂子的知心朋友,喜歡同人漫畫創作及諗笑話(但唔好笑.....),偶然會來成為嘉賓.
*(圖中所述之看板娘人名純屬虛構、如有雷同、實屬巧合。)


MARY：今集飲食節目,由我呢位美女MARY主持,講下下午消閒西式小點呢!

樂子：您好似係今集嘉賓,做乜成日做常任嘉賓..........

彩珠：唔緊要嘛,有MARY姐係度我地熱鬧好多,又可以寫多樣野...

MARY：仲有笑話講..........

樂子：.....................

彩珠：.....................



樂子：今次來到COVA的銅鑼灣店,在下午時段有一些啱我地女仔的輕食呢.

彩珠：係呀,香港都有唔少COVA的店.出名的是朱古力及雪榚之類呢.

MARY：COVA意大利店原來有成190多年的歷史,我地三位歲數加埋都冇咁多.......

樂子：就算九位加埋都未必夠呢.......






MARY：店內感覺好經典之餘,最喜歡就是那盞水晶燈,感覺好豪華呀.

彩珠：如此歐洲風的裝修,相信較適合一些較成熟的女性在這兒談天說地呢.

樂子：這兒真係好啱女仔來傾下計呢,但環境緊要,但野食都係好緊要呢,打開餐牌先!


樂子：好,一於每人一樣先!





樂子：我就要呢個Panino with ParmaHam餐啦,入面的ParmaHam加入蕃茄菠菜,口感清新之餘又脅出陣陣的火腿肉香,入面唔會太乾太濕.再加上一杯凍的cappuccino及好濃咖啡味的小雪榚,雖然杯cappuccino不太濃,但個雪榚就幾足味呢,係甜了少少!

看板娘---馬場樂子---對Panino with Parma Ham餐之評分:


彩珠：到我的Triple Deck Tramezzino with Poached Chicken & Baby Spinach餐呢.




彩珠：Tramezzino就係冇皮的三角形三文治,今次入了煮過的雞肉,帶點芝士質地的三層三文治,食落雖然唔係太厚料,但味道上係有點似芝士醬多,而餡料一點都唔黏口.最好就幾位一齊SHARE呢.除cappuccino外,還有櫻桃味的雪芭,這個一入口好重的櫻桃味之甜味之餘,味道一點都唔造作,口感清新之餘又唔過甜,不俗呢!

看板娘---馬場彩珠---對Triple Deck Tramezzino with Poached Chicken & Baby Spinach餐之評分:


MARY：最後就是這個Homemade Salad Of The Day餐呢!





MARY：今次係煙三文魚呢,好特別地加上一大堆Baby Spinach及水瓜柳,一點都唔膩.用一堆蔬菜配合煙過的三文魚,就像一剛一柔呢,揉合得宜,而加上少少的檸檬汁在三文魚上就更令全個salad變得清新呢.又要交俾樂子俾分呢.

看板娘---馬場樂子---對Homemade Salad Of The Day餐之評分:


彩珠：想下午靜靜地嘆個tea傾下計,或者拍住拖食少少野等睇戲都唔錯呢.

MARY：係啦,最啱一些想食少少野頂住肚的朋友呢.



河馬仔第二,七,九,十場心水選擇:
(馬場樂子代筆)

第二場 :

7. 香檳歲月 -雖然曾經在十月試過右前臂受傷,但操練都只係有少少阻礙而已.上場其實跑個陣係肥左一個碼,而因外檔關係沿途外疊大蝕,都只係輸一堆超班新星唔遠.今次晨操4號鄭雨滇快跳兩段有大大進步,過步勁力盡展又唔燥,修身亦見到有柳條了,今仗對手同上場比較有一大段距離,要得過.

是場心水 :
7. 香檳歲月 - 4. 超力駒 - 12. 辣得喜 - 1. 雙龍出海

第七場 :

2. 錢照贏 - 雖然上場贏得有點辛苦,但其實以實力來計算至少都比甜將贏的對手高一至一班半.今仗兩駒都係得四磅距離,而其他馬之中都係個兩隻新馬較好,還是要一隻三班有證明的馬行頭呢.

是場心水 :
2. 錢照贏 - 4. 甜將 - 8. 勁飛寶 - 9. 孖寶皇

第九場 :

3. 雅雪 - 上場狀態實在非常麻麻,毛色暗淡之下,對住全港最強之中距離對手,姑勿論上次大多對手都係熱身居多,但能蝕分走近步步穩都算係實力之證明.今次趁對手較弱之餘C+3更合快放,看來今次蘇廄雙龍出海之下係有心思攻下此盃.

是場心水 :
3. 雅雪 - 13. 加州萬里 - 8. 飛銀動力 - 10. 摩法神采

第十場 :

9. 精英財星 - 此駒雖然今季跑了一場而已,但儲火之後4號快跳一段出腳好辣又冇汗,上場雖然對手唔太強,但贏落係游刃有餘,講真今場快馬多之餘此駒跑法又極具彈性,此駒非冇分在手之馬,按狀態而言可算是全場最四平八正的一匹.

是場心水 :
9. 精英財星 - 4. 讚惑 - 7. 奇葩 - 8. 中國神農



是日三場全餐博冷門Q膽 :
(馬場彩珠代筆)

第二場 : 7. 香檳歲月

第九場 : 3. 雅雪

第十場 : 9. 精英財星

河馬仔

是日河馬仔心水選擇及賽果由看板娘---馬場樂子及馬場彩珠為大家報導:

(中第二場$960.0三重彩!第七場全中四連環!第九場中$106.5連贏!)

河馬仔第二,七,九,十場心水選擇:
(馬場樂子代筆)

第二場 :

7. 香檳歲月-雖然曾經在十月試過右前臂受傷,但操練都只係有少少阻礙而已.上場其實跑個陣係肥左一個碼,而因外檔關係沿途外疊大蝕,都只係輸一堆超班新星唔遠.今次晨操4號鄭雨滇快跳兩段有大大進步,過步勁力盡展又唔燥,修身亦見到有柳條了,今仗對手同上場比較有一大段距離,要得過.

是場心水 :
7. 香檳歲月 - 4. 超力駒 - 12. 辣得喜 - 1. 雙龍出海
(中三重彩派$960.0,單T派$147.0,連贏派$95.0)

第七場 :

2. 錢照贏 - 雖然上場贏得有點辛苦,但其實以實力來計算至少都比甜將贏的對手高一至一班半.今仗兩駒都係得四磅距離,而其他馬之中都係個兩隻新馬較好,還是要一隻三班有證明的馬行頭呢.

是場心水 :
2. 錢照贏 - 4. 甜將 - 8. 勁飛寶 - 9. 孖寶皇
(中四連環派$65.0,三重彩派$240.0,單T派$42.0,連贏派$54.0)

第九場 :

3. 雅雪 - 上場狀態實在非常麻麻,毛色暗淡之下,對住全港最強之中距離對手,姑勿論上次大多對手都係熱身居多,但能蝕分走近步步穩都算係實力之證明.今次趁對手較弱之餘C+3更合快放,看來今次蘇廄雙龍出海之下係有心思攻下此盃.

是場心水 :
3. 雅雪 - 13. 加州萬里 - 8. 飛銀動力 - 10. 摩法神采
(中連贏派$106.5)

第十場 :

9. 精英財星 - 此駒雖然今季跑了一場而已,但儲火之後4號快跳一段出腳好辣又冇汗,上場雖然對手唔太強,但贏落係游刃有餘,講真今場快馬多之餘此駒跑法又極具彈性,此駒非冇分在手之馬,按狀態而言可算是全場最四平八正的一匹.

是場心水 :
9. 精英財星 - 4. 讚惑 - 7. 奇葩 - 8. 中國神農



是日三場全餐博冷門Q膽 :
(馬場彩珠代筆)

第二場 : 7. 香檳歲月
(唔中)

第九場 : 3. 雅雪
(中連贏十元注派$106.5,全餐Q成本十元注要$130.0,結果-$23.5)

第十場 : 9. 精英財星
(唔中)