返回列表 發帖

(河馬仔專欄)11月21日香港德國啤酒節+賽馬分析




<河馬仔專欄>之『馬場對對子』飲食專欄又來啦!

『馬場樂子(妹)』: 性格開朗,有點大頭蝦,除主力賽馬專欄外仍會幫忙介紹飲飲食食的

『馬場彩珠(姐)』: 性格認真,對珠形擺設特別喜愛,特別喜歡製作甜品,主力飲食專欄的.齊齊評論香港飲飲食食!

『Mary CHAN』:今集嘉賓,馬場樂子的知心朋友,喜歡同人漫畫創作及諗笑話(但唔好笑.....),偶然會來成為嘉賓.
*(圖中所述之看板娘人名純屬虛構、如有雷同、實屬巧合。)



樂子:啤酒節剛剛結束了呢,今年仲要係啤酒節200週年!諗番起都好值得紀念呢,個晚我地都有一齊去玩呢!今日睇番D相先!

彩珠:我都好想睇番呢,個晚係MARCO POLO酒店舉辦,我地去的就是今年活動壓軸的一晚.

MARY:睇番資料古時在德國的啤酒節係有賽馬舉行呢!估唔到又可以同賽馬有關!而家睇睇我地影的場景先!




樂子:家姐,您記唔記得我地都有玩呢個呀,不過就破唔到紀錄呢!


彩珠:仲有隻吉祥物呢..........咦,而家先發現隻吉祥物的啤酒牌子同後面部機係兩個唔同的牌子呢!


MARY:我都想玩呢個呢,不過我唔夠力玩啦.


彩珠:不過入到場我地都唔係掛住玩,我地一群人,雖然三唔識七,都可以坐埋一條長BENCH!總算係一種緣份呢!


MARY:大家一路聽住音樂,一齊開開心心跳舞,又和附近來自各國各地的人一起互相傾談,氣氛非常熱鬧呢!


樂子:今次亦有專門表演啤酒節音樂的德國樂隊在場彈奏,歌曲勁有節日感覺,有節拍有動感,令到每位在場的朋友都感到節日的興奮.

MARY:表演個陣都好多人圍觀,又懂和在場食客有互動,非常有趣.




彩珠:雖然當日入場要$180港元,有一杯啤酒,係咁熱鬧的氣氛下又點會夠.個晚可以話係大食大喝!

樂子:啤酒有兩款揀呢,係BECKS同盧雲堡,兩款各具特色,唔同口味呢!



MARY:個晚我地要出去買野食之後先去攤檔攞食物,順便影下個餐牌同食物檔呢!






樂子:飲啤酒自然要有大塊肉啦,講到德國食物,又點可以冇肉腸酸菜薯蓉?加上Pretzel德國椒鹽卷餅才是風味嘛.當然個包味道會偏鹹但唔太硬,原來係德國特色來.而美式的會較硬身.


彩珠:另外的如燒豬肋骨,燒雞沙律,燒蒜香羊脾真係一齊SHARE每樣試一點就最好,個人較喜歡燒雞,因為燒得唔過乾身,肉汁保留到.



MARY:當然德國燒豬膝又點會唔要?最喜歡個皮,少少脆之餘但又有咬口,佐酒唔錯的選擇.


樂子:最後要讚的就是甜品呢,特別最喜歡就是士多啤梨撻伴雪榚,滿滿的士多啤梨加上脆口的TART底,加上一個雪榚增加味道及溫度的層次感,非常甜蜜.


彩珠:我就要個雙球雪榚啦.....嘩!MARY您個D又係乜?


MARY:我呢個係黑森林加上兩個雪榚再加杯細細的蘋果烈酒!黑森林唔黏口已好之餘,食落已係陣陣的濃濃的朱古力味道及黑車厘子在內,加上朱古力及雲呢拿雪榚可以講雙劍合壁呢!而配這杯蘋果烈酒真係啱啱好,呢杯AppleSchnapps係德國特色烈酒,通常都有40%酒精,但飲落唔辣反而覺得甜甜地,加上送埋甜品細細啖又好容易飲,真係令到甜品的味道提升不少!


樂子:最後都有份紀念品的,就係呢個大大個的啤酒mug,又得意又實用.

MARY:咁.....講左成日,德文的乾杯點樣講?

彩珠:係Prost呢!

看板娘馬場樂子---是日食物日文讀音:





河馬仔第五,七,九,十場心水選擇:
(馬場樂子代筆)


第五場 :

9. 香檳歲月 - 上場之敗,大部份原因係敗在沿途走一個冇遮檔的三疊,雖然有個較利前領的形勢但該場都係守好位的賽駒會較外疊為好.只可講如一早能俾偉感走前的話佢應該贏咗.18號巫斯義快跳兩段與上仗比較冇任何低落,此駒豈會技止此耳四班應會游刃有餘.

是場心水 :
9. 香檳歲月 - 7. 佳景良駒 - 1. 將軍歡笑 - 13. 飛躍之鋒

第七場 :

3. 友誼至上-上場守得較後位置雖然馬群拉得夠散又夠快,只可惜該場入圍都係轉彎時已早早佔了有利位置.而友誼至上要飛到出一出狂追輸最後兩步都算係比預期良好.今場狀態又係比上場推得更加好,18號助手快跳兩段勁勢及貫注度又好過上次少少.今次馬少對後上馬來說可能會較少阻礙,還是此駒較安四平八正.

是場心水 :
3. 友誼至上 - 5. 自由好 - 1. 步步穩 - 10. 金獅威將

第九場 :

1. 朝東飛駒-雖然此駒今次貌似熱身,但上場本身狀態真係非常不濟,當時晨操冇勁冇勢又唔爽毛色又暗,毫無好感,而該場跑個陣真係用"亂哂大籠"四隻字可以形容哂,全場隻馬未能放鬆轉彎仲要飛埋出去仲要頭岳岳,當試閘算了.今次雖然柏寶曾操過但都係上場跑完一個禮拜後的事,用回王志偉希望可汲取上場之經驗,抽回好檔只要守番個中間位,對手感覺上似是而非之下今場甚重爆冷味道.

是場心水 :
1. 朝東飛駒 - 2. 高風格 - 3. 馬之王 - 7. 連利精英

第十場 :

8. 按一按-上場其實雖然睇落佢唔夠凱旋昇輝跑,但其實最後二百米俾隻凱旋昇輝塞到勒避仲要路追,再加上起步佢零零捨捨包到幾尾如一支箭咁走上來,殊不簡單.晨操走勢唔稚嫩,鄭雨滇快跳三段隻馬更見壯身,十四檔留後在外檔追一段,希望能借夜晚內疊燈光較昏暗一攻在外破敵.

是場心水 :
8. 按一按 - 5. 凱旋昇輝 - 11. 多多寶馬 - 2. 富高勝



是日三場全餐博冷門Q膽 :
(馬場彩珠代筆)

第五場 : 9. 香檳歲月

第九場 : 1. 朝東飛駒

第十場 : 8. 按一按

TOP

返回列表