11-12-07波料--[危險]

11-12-07波料--[危險]

出POST之前諗過究竟係出足球分析多啲定講[故]好,結果自己都係鐘意講[故]多啲.

尋晚同[燒槍男子漢]約好吹水,因為身份關係,老友吾可以嚟[檔口]揾我,每次同呢位由細玩到大嘅老友吹水都要去[宿舍],[危險]一早比定副飛行棋班姐姐仔落去麥花臣玩,吾好阻住我傾密偈,我同位[燒槍男子漢]全冇利益輸送,當然傾得密偈就吾只二條友,仲有位香港仔老友,呢位老友响[香港仔]又係屬猛人,[危險]免費分享當然吾可以網上全部爆料,我抽一啲認為可以爆得嘅[鬼怪料]比各位分享,絕對真實.

話說有隊保安响[元X天天]放蛇,果位中間分界嘅[蛇之友]等女入籠做大龍鳳,夠晒料啱時間就由[帶頭兜巴星]踢門,點知行動期間[甩蛇],條女响房內衝左入去沖涼房,[蛇之友]立即跟住入,點知條女吾見左,沖涼房連窗都冇只係得把8吋嘅抽氣扇,[蛇之友]都吾知道點解條女可以2秒之內响沖涼房玩失蹤,[帶頭兜巴星]自己都知自己隻馬冇錯,因為真係收晒女聲先郁拖,咁唯有番睇巡邏影片,希望睇真啲隻[煙脂馬]嘅廬山,點知鏡頭之下隻[煙脂馬]個樣係模糊不清,條女企左响房門口停頓3至4秒,凸然消失响鏡頭之內,跟本從未入過房,[帶頭兜巴星]問[蛇之友]條女個樣大概生成點,[蛇之友]竟然記吾起條女係乜嘢樣,最慘係果位[喼爬],就算吾封埸以後都吾知點面對.

話說西貢有班[香港保安]佈署捉[鄧家妹],眼見快艇埋頭,有四條女上岸,諗住一落屙打就係立功嘅時候,點知成隊保安一衝落碼頭,鬼影都冇隻,隻快艇就變左原本綁响碼頭嘅果隻爛船.又係同一隊[保安],呢次行動吾係捉[鄧家妹],係捉[小密蜂],話說成[添]保安匿响草叢等[小密蜂],其中一位匿响草叢嘅[師姐],凸然脛後被一度陰風吹過,有股寒氣由尾龍骨向上湧,全身吾郁得,跟住有把近似[馬蹄露]嘅高八度女子聲音响位師姐耳邊講:我咪係道,吾洗咁辛苦啦!位師姐嚇到即埸標尿.仲有單新界區[大館]鬧鬼,仲猛過七號差館,今日啲[故]就講到呢度.點解我老友叫做[燒槍]男子漢?因為早幾年兩單大嘢佢都有份,係[英勇]果隻,吾係亂[燒槍],[抽水哥]同佢冇得比,至少我位老友吾洗[燉]去耍太極做[抺車仔].
各位睇得明就自然會明,睇吾明都吾好問我,[故]中字句代詞係有意思,問我都吾會解釋.自己[估].

講番波,有時一隊值1.6倍嘅[明牌球隊],因為可以擔飛,大多外圍公司會初盤壓飛,當然睇番邊間公司開初盤一定係有參考價值,但問題在於1.6倍變成初盤1.5倍,亞洲盤由半/一變讓1球,你賭下盤跟本上冇安全感,賭上盤又吾值博,所以自己如果當日有得選擇就吾會玩[明牌球隊].其實而家澳門同馬會都食水好深,值1.6倍嘅[明牌球隊]到外圍手就變1.5倍,到馬會同澳門手就賠率更加壓低,好多時變成1.4至1.45倍,澳門仲會借勢將[明牌球隊]亞洲盤上盤調低至1球/球半,明明上盤係值半/一,經兩三層隔水就變成1球/球半,但上盤依然有捧場客,因為[明牌球隊]效應,吾優做,呢啲情況上盤客多數至少死半個盤,有積可尋.通常呢啲埸合可以轉玩大細或半埸[明牌球隊]勝,全埸就賭吾過亞洲盤,因為現在走地受注金額巨大,賽果會因錢而變,賽事愈刺激就愈死得人多,各位都知道[做波奇案],4:4波膽中到應一應,完埸前2:2吾夠數就連吹4個12碼做夠4:4完埸,波就一定有假,賽前分析球隊實力係定出應該買A隊定B隊,分析盤路係定出目標球隊究竟買吾買得過同對比盤路有冇古惑.因而定出策略同投盤方式.

星期二同星期三歐聯係應該以[波圖]歐盤最穩,最難賭係[馬賽]同[羅馬]果兩埸,如果各位吾係果兩埸波嘅球迷真係吾好賭大錢,因打字太多,我吾講咁多歐聯,就講今日重心,今日重心係[華素爾]W,自己睇過晒[華素爾]前鋒[摩利]評價,條友係年記較大,但活力仍在,雖然佢今年6月先加盟[華素爾],但同隊波夾得到,跟得住中埸派牌節,做前鋒只要接得到波,有射波機會先有入球機會,呢埸[諾咸頓]前中後埸都有主力停賽或傷兵,預期今埸冇前鋒可用同攻力薄弱嘅[諾咸頓]都係死多過生,現在亞洲盤[華素爾]只讓半球而有1.87倍,點解吾做重心先?今晚開賽前讓半球應該會落到低水,甚至會轉盤至讓半/一.

今晚重心推薦[華素爾]W.

小弟今日朝早得閒,所以打多兩隻字,又夠鐘走人,拜拜.同各位馬友講句對吾住先,因為冇時間出馬料,就咁打馬名又吾係小弟風格,要得閒先出到馬料.

延伸閱讀