返回列表 發帖

22-12-07波壇三傑第二編之[古惑盤手發跡史]加波馬料---危險

22-12-07波壇三傑第二編之[古惑盤手發跡史]加波馬料---危險

上編POST講到[古惑盤手]同[開盤天皇]都係紅褲仔出身,今張POST重點講[古惑盤手發跡史],呢條友年齡大過我,[危險]今年19歲仲係青頭仔一名,佢當然大過我啦![古惑盤手]7幾年偷渡落嚟香港,响大咀咀一間士多幫親大佬手,鋪前買雜貨,鋪後做埋睇埸抽水,以前大間啲嘅士多[鋪後]多數有抽水檔,[古惑盤手]以前响大陸都叫做識得兩隻字,英文就吾識,反而俄文佢最叻,落到嚟香港就重頭做起,條友夠上進,從冇間斷去進修自己,佢現在嘅英文水平叻過晒啲所謂[大學生],當時大角咀有位老屎忽叫做[金牙貴],[金牙貴]响大角咀個朵都幾響,因時常要等[拖船]埋頭過[水],所以時常响大角咀[古惑盤手]嘅親大佬果間士多打躉,順便推兩手,[金牙貴]見呢兩年[古惑盤手]人又吾怕蝕底,又夠上進,加上識字,就揾佢入嚟自己檔外圍幫手計吓數,其實[古惑盤手]跟本吾想撈偏,不過評估過當時環境,而且年紀漸大,膽粗粗跟[金牙貴]學嘢.7十年代尾,[金牙貴]過澳門賀誕,慘遭對頭買起,[古惑盤手]受同門[新記]令一牌頭招攬,加盟北上外圍行列,佢比[危險]果幾位老朋更加係先行者,佢先係第一批[架嘅冷].[古惑盤手]跟[新記]番去大陸陀地,果然大展拳腳,絕對黃金十年,可惜因一鑊自己條o靚吾生性,結果輸埋身家受幾碌仲差啲連命都冇埋,究竟發生乜樹呢?下次繼續波壇三傑第三編之[大佬上身].


要就住字數,太多字就吾能夠一帖過咁出,小弟嘅[外快]尋日收晒錢,夠小弟一年開支,心情好就吹埋馬水,希望大家一齊揾餐食.


小弟今季寫馬着重[線路],同上季所寫吾同,吾會寫埋啲[死數字],自己都冇興趣咁寫,過吾到自己就一定吾寫.


小弟有隻收風自刨馬,即係刨風合一,預計聽日位置有16文至18之間[我估],呢隻就係告仔隻[紅噹噹],呢隻馬上季由伍碧權轉去告仔度,呢兩仗試到準晒,以刨馬去計,應該今仗有睇頭.
小弟支[針]插左响班太太團度,呢隻馬由班[太太口服液]度吹出嚟,西洋仔應該吾會點佢老婆卦?佢生日點玩法我就吾知,不過有位[練馬師]話[阿徐]呢位騎師仔,實情吾係咁叻,態度又差,做人又散漫,去邊個馬房都係咁上下,今季如果勝出超過十埸頭馬,當佢攞[冠軍],吾通西洋仔係[千里眼]個親細佬[順風耳]?聽晒[某練馬師]所講嘅說話?今季谷盡徒弟仔[阿徐]要攞威?過十埸都仲要去盡?其實西洋仔嘅親大佬係[大力]三先啱.
隻[紅噹噹]拍跳時回頭望向[危險],好似同[危險]講話今仗有三甲,叫我玩位置,馬係感情動物,冇人類咁古惑,呢次我就信隻[紅噹噹]一次咁多,一於賭位置.
同埸有隻[勁速猛將],韋達條友無寶不落,但賽前自己收吾到風,聽日要睇定先,[盈峰]轉倉去徐雨石度,比徐雨石用新鮮手法谷一劑省招牌,內圈見隻馬都仲有水準,但如果[盈峰]叻就吾洗落到班尾啦,[盈峰]曾經响05至06年馬季有過一個高峰期,可惜入錯[胡風馬房]拍錯粵語片,明係應該執兩至三埸頭馬,變左跑極都出吾到頭,幕後吾係冇比機會[胡風],可惜佢[口吃]念吾到台詞,臨季尾仲要累幕後輸一鑊金金地.徐雨石作風都吾係古惑之流,但跑馬最重要係隻馬本身,睇表面就一定冇問題,但佢嘅功力一定吾及蔡約翰可以令到啲馬咁襟跑,我怕呢隻7歲馬會[攰],話晒啱啱[谷]完一鑊交代左,今次[盈峰]我吾要.以馬論馬,[齊齊掂]磅輕態佳值得拖一票,但最衰係隻馬係[梁定華],賭開馬都知道呢個馬房係乜料,佢養吾到大騎師,反而吾擔飛嘅騎師每有神來之筆,各位要自己諗要吾要呢匹馬,上埸佢就冷,今埸係熱門,呢個馬房多數賭嘅係臨埸料.呢埸冷馬首推[賞心],40分响度應該有睇頭,前仗沙田千四22倍輸得吾遠,上埸再報谷草千六隔紗,戴勝同呢隻馬上左契咁滯,今埸縮番程報番千二,睇埋呢埸形勢,絕對係[袋鼠戴勝]博殺嘅埸合,今埸一定要留意,係呢一,二埸必交代.
吾打咁多字,綜合第四埸,首推刨風合一馬[紅噹噹],次選冷馬[賞心],[勁速猛將]同[齊齊掂]就要睇埋臨埸風聲.


位置重心係第四埸5號馬[紅噹噹].

自己好少賭名牌,但對晒料,覺得[阿仙奴]真係贏面壓一,我推落[阿仙奴]單W當變倍,亞洲盤我都吾刮佢,今晚波料係熱熱地嘅[阿仙奴]單W.
本帖係原創,吾歡迎轉帖,請各方自重.各位記得下次嘅波壇三傑第三編之[大佬上身].拜拜先.

小弟嘅馬料吾係次次出,要得閒先有[嘢]出.係鬼妹可能會出快啲!
波、馬、棋趣、享受人生

23-12-07

我過兩日再嚟,今日要跑馬.

紐卡素現在亞洲盤讓球半,玩亞洲盤賭吾過,一係玩紐卡素半埸勝,一係玩入球大,是但揀一樣去玩,應該機會幾大,如果玩亞洲盤上盤,紐卡素2:1已經係開下盤,因為打比郡已經係降硬班,响冇心理壓力之下必定會打得放,呢埸除時會有波入都吾出奇,所以玩紐卡素半埸勝或入球大更為化算!祝各位好運.

烏甸尼斯無論人腳同打法都比安玻里勝一籌,安玻里近仗積佳,只不過係主埸加上對手係卡坦尼亞同熱拿亞,佢贏祖雲達斯果埸係盃賽,而祖雲達斯跟本冇盡全力,明放.呢埸安玻里一作客就會打回原形,烏甸尼斯主埸真係信得過,如果吾貪可以玩單W,如果大貪啲可以玩亞洲盤烏甸尼斯讓半/一要上盤,我自己會用烏甸尼斯做重心.
波、馬、棋趣、享受人生

TOP

返回列表