盤口講解--5-亞盤新世代[危險]

ooappleoosm

剛戰沙田草地,澳洲友柏寶騎歡笑星,騎功令人大開眼界,我係馬主,下仗必然要求練馬師換人交代以免眼冤,馬會競賽小組至叻係捉華籍牌仔,捉埋啲細眉細眼跟住大字標題扮有做嘢,問心果句牌仔孭得幾多飛先?柏寶近期不論谷草或沙田,好多孭飛馬騎到不知所謂,連吾識跑馬嘅外行都知條友陣上做緊啲乜,馬會競賽小組自稱專業,但就詐睇吾到,有時連提都吾提,咁落去即係縱容啲古靈精怪放膽食大茶飯,遲早啲資深馬迷心淡離埸,用幾多錢宣傳都冇用!阿叔賭錢就一定輸得起,但條氣就吾順,隻馬吾係冇,但條澳洲柏寶將隻歡笑星咁騎法,難怪一過磅時俾馬迷狂噓,馬會睇吾到唧?吾係聽吾到呀嘩?將孭飛馬車前倒後違反馬性,谷草第一隻彈出跟住讓開條欄俾同線馬攞靚位,自己走外疊將自身坐騎處於不利之地,有時將孭飛馬刻意留後坐包箱,到直路當然無位可上啦,種種跑法絕非品德高尚嘅騎師所為,馬會咁都俾牌佢,難怪坊間流傳競賽小組係冇牙老虎!

明日跑全泥地,重點係第三埸,神殿上埸跑冷位置,小弟都有下注兼得手,此馬已經破左慣常打疊入三甲嘅數據,上仗揀佢,因熱過身後狀態較前仗有進,而第一仗末段追勁十足亦係我喜愛佢嘅原因,明日係今季神殿第三仗,馬已經冇年輕時咁耐拼,8歲馬難復當年勇,現在狀態只可用保持作形容,照睇好難連續三仗跑入前列,今仗不宜過份偏重神殿呢隻老馬.吳定強今季季初較往季積極進取,今仗隻[風雲再起]從季初第一仗之前嘅佈置已經睇出吳定強心意,吳定強希望盡早襯各對手季初狀態未十足而幫[風雲再起]執番一埸替隻馬脫離處女馬行列,而眼見近仗韋達騎此馬亦合拍,加上[風雲再起]都叫做演出穩定,今仗絕對要拖.而明日全晚位置心水必然係隻快而勝,今季開齋都係由[都爾]經手人馬合拍,試閘並無不妥,之後以游水同踱步係完全切合快而勝近況同佈置,馬已開齋無甚壓力,更加適合[都爾]呢類騎師嘅發揮,千二泥地係[快而勝]強項,再睇埋近日[都爾]同此系幕後約會在黃昏,絕對飲燕京有偈傾果隻,有鬥志而馬又有實力,明晚[快而勝]絕對值得捧埸.字數太多,如果逐隻品評必然過字節出吾到嘢,男人獨忌冇嘢出,馬仔就寫到呢度.

全晚位置重心:第三埸2號馬[快而勝].


盤口講解--5-亞盤新世代


現在同一埸球賽同一莊家出兩至三個亞洲盤係平常事,趨勢已為盤界所用,澳門亦跟風仿傚,盤口變化比從前更加風雲變色,現在仲講鬼盤?一定係OUT,初盤無鬼盤,轉盤此中尋,呢句係我講嘅,受注之後嘅盤先可定甚麼盤口為鬼盤,阿叔從來吾會用以眾為敵呢類不明所以嘅字句去形容賭波投盤心態,何為[眾]?多人看好或睇低者為[眾]?其實100人睇好所謂[眾]係冇用,跟本吾及一,二個大戶嘅大手投盤,莊只會認錢或認大戶,跟本吾會理會所謂[眾],莊家調盤係以[吸]為先,已投注者會[定],未投注者大莊會根據用戶心態或環境數據去配合希望能[吸].好似今晚澳彩將紐卡素對西布朗嘅入球大細抽水份數降低,將賠率提高,已經意味今晚呢埸英超係受注重心,大細盤口純係抽水盤,莊家冇甚對賭意味,志在吸水錢,所以今晚投注呢埸大細盤更加不可以用甚麼以眾為敵或陰謀論想,呢埸盤口諗法吾同中超或其他二,三線波,有睇開危Sir外盤解構攻略嘅鹹Fans應該知道阿叔係講乜!

歐盤開某隊賠率1.9至2.2倍之間,同一莊家會開一盤為平/半,另一盤為半球,咁嘅開初盤手法,點鬼?現在歐亞盤對數運算已經走入[活動數據]新紀元,多數用常數安全線為代數根本,再將盤口真實數據代入公式,得出答案先為真確,同埸同莊亞洲二至三盤對比嘅差,引入分區區域對數法就知賠率為壓盤定放盤,呢啲先叫專業,呢種手法係街外莊或艇作為調盤或飛盤之用!以求謀取最高收益!


各位留意[盤口講解--6-亞盤新世代]第6集,會舉實例作真實解構,會在blog刊出,此帖因字節所限,就出咁多.