2-10-07波料---[危險]

ooappleoosm

呢期足球玩[鄧套],NBA現場先係重心,真係斬瓜切菜,藍球先係皇道.


藍球重點係以轉盤為先,重心係[現場節數],集中第三節同第四節得分上下盤,自公牛年代,由[禪師積信]帶動三角進攻打法,由外圈互檔走底出AB位,真係眼界大開,不過小弟未接觸NBA之前,已經接觸過一位星加波乒乓球教練,佢對美藍絕對認識,我從佢身上吸收吾少藍球知識,在二十幾年前嚟講,思想已經非常新穎,從前香港藍球打法落後,最叻聯防,其實係因為球員體質低,加上少接觸外國藍球,而且教練思想守舊,球員陣中轉多次身或插多次花,已經被認定為輕率冇效率,我[危險]教波,從來係以[人]為先,任何陣法,都係用[人]去配合,提升球員對藍球興趣同鬥心先係最基本,一味打[方],如果冇[個人技術],根本欠缺球味,吾好睇嘅藍球,揾鬼支持咩!現今香港比當年已經起飛,香港人普遍營養充足,身高同體質已經大有改善,加上運動裝備係一門大生意,廣告推動藍球運動,以前有對[生膠底]已經巴乜閉,而家要講AIR啞.


當年睇[左敦]初出道,要去攞幾雞租帶睇,邊有DVD?長話短說,通常NBA第一,二節係當熱身同睇打法,第三節作為[關鍵收正],如果第三節分差過大,防守能力強果隊帶離十幾分,就係[單節得分下盤]嘅最佳時機,吾好以為會[大交收]呀,一節12分鐘,如果最後3分鐘分數已經拋離冇得追,球隊通常會換出正選,變成[垃圾時間],各後備為求表現會出現浪射,拖低該節得分率,真係[細盤]有數.


足球料:如果各位吾怕熱,星期五有隊[史雲斯]單W,可以作為過關膽,大家係男人,鐘意點射就點射,射去深圳都仲得,揸住[史雲斯],自己諗點[射].


星期六:[漢堡]對[哈化柏林],如果亞洲盤臨開賽[漢堡]讓1球,就玩[哈化柏林]下盤,雖然[漢堡]近仗勢盛,但番去德甲就算主埸,要讓1球[哈化柏林]真係讓吾起,自己睇法,[漢堡]最多贏1粒,所以亞洲盤如果讓到1球,[哈化柏林]下盤真係可以坐和望贏,如果[漢堡]係讓半/一,呢埸可以小注[馬會盤讓球和],都有3.55倍.
仲有埸[屈福特]對[西布朗],臨埸如果[屈福特]讓半球,就玩[西布朗]下盤,如果讓平/半,就小注玩全埸和波就算數.至於星期六重心,就一定係[馬賽]單W,[馬賽]現排18位,主埸對[羅連安特],呢仗吾贏冇得贏,雖然近期[馬賽]攻力欠銳,但至少今埸傷兵少,有人可用,而且[施斯]同[利安]都可以正選上陣,吾求大炒,但求贏1粒應該冇問題,[馬賽]單W可以作為星期六重心.